2022/06/01

GIZek aisialdiko begiralea izateko ikastaro trinkoa antolatu dau, eta izen-emotea zabalik dago gehienezko plaza kopurua bete arte


Datorren ikasturtera begira, haur eta nerabeen aisialdiko begirale titulazinoa eskuratzeko ikastaro trinkoa eskainiko dau Bermeoko Udaleko Gazteria arloak, GIZek. Interesdunek, formakuntzan parte hartzeko izena emon ahal izango dabe GIZen, ekainaren 1etik irailaren 2ra arte edo gehienezko plaza kopurua bete arte. Gutxienez 10 lagunek emon beharko dabe izena, eta 20 izango dira gehienez taldea osotuko dabenak. Deskargatu izen-emote orria hemen.

Saio gehienak (9) Bermeoko Gizarte eta Kultura Etxean izango dira, bariku arratsaldeetan (18:30-21:00) eta zapatuetan (10:00-14:45/16:00-18:30). La Arboledako aterpetxean garatuko diran hiru saioen ordutegia, barriz, honakoa izango da: zapatuko 10:00etatik domekako 13:30ak arte, bertan lo egiten gelditzea beharrezkoa dalarik.

Danatara 150 ordu teoriko eta 160 ordu praktiko daukaz kurtsoak, euskeraz emondakoak, ikasturte bakarrean, urrian hasi eta 2023ko maiatzera bitarte, 12 asteburutan. Lehen saioa 2022ko urriaren 15ean emongo da, eta 2023ko maiatzaren 6an azkena. Derrigorrezkoa izango da 12 saioetara joatea. Saioren batera falta izanez gero, galdutako saioa(k) datorren ikasturtean errekuperatu beharko d(ir)a.

Titulazino ofiziala
Gaztetxo Eskolak emongo dau ikastaroa, eta, amaitzen danean, ikasleek haur eta gazteen aisialdirako begirale izateko titulu ofiziala eskuratuko dabe, Eusko Jaurlaritzak homologatutakoa. Ikastaroan izena emon ahal izateko, interesdunek 2023ko ekainaren 30a baino lehen 18 urte beteta euki beharko dabez. Ganera, ikastaroa egiteko derrigorrezkoa da DBHko titulazinoa izatea.

Izena-emoterako orduan eta taldea osotzeko momentuan gazte bermeotarrek izango dabe lehentasuna. Ikasleak euskaldunak izan beharko dira, ikastaroa euskeraz izango baita.

Praktikak udalaren gazteria zerbitzuetan egiteko aukera egongo da (Gaztelekua eta Ludoteka), posible izanez gero. Dana dala, heziketa praktikoa egiteko aukera Gaztetxo Eskolak berak erraztuko dau. Begirale praktikak amaitu eta gero, praktiken memoria garatu beharko da.

Ikastaroaren edukiak, besteak beste, honako honeek izango dira: aisialdi heziketa, aisialdiko kudeaketa, aisialdiko dinamizazinoa, balioen hezkuntza, hezkuntza premia bereziak, herri nortasuna, droga-mendekotasunaren eta sexualidadearen prebentzinoa, e.a. Helburua, hezitzaileek heztekotan dagoan umearen garapen pertsonal eta komunitarioa lortzea izango da, beste batzuen artean.

Matrikularen prezioa aurreko urteetako berbera izango da Bermeon erroldatutako gazteentzako, izan be, Bermeoko Udalaren diru-laguntza izango dabe. Honako honeek dira matrikulazino prezioak, adina eta jaioterria kontuan izanda:
  • 350 euro (Bermeon erroldatutako 35 urtera arteko gazteak).
  • 440 euro (Bermeon erroldatutako 35 urtetik gorakoak eta Bermeon ez erroldatutakoak).
Matrikularen barruan aterpeko hiru asteburuak (mantenu osoa) sartuta dagoz.

No hay comentarios:

Publicar un comentario

Bermeoko Gazteentzako Informazino Zerbitzua ez da hemen adierazotako eritxien eta jasotako ideen erantzule egiten, baina parte hartzeko, erabiltzaileak gitxieneko baldintza honeek kontuan euki beharko dauz:

1.- Era honetako mezuak ez dira onartuko: neurribakoak, lizunak, enpagugarriak, mehatxatzaileak, faltsuak, difamazinokoak, sexu orientazinokoak, pertsona partikularren identidadea erakusten dabenak, datu pertsonalak daroezanak, diskriminatzaileak, iraingarriak, egile eskubideak urratzen dabezanak edo legearen aurkakoak izan daitekezanak.

2.- Aurreko puntuan adierazotako moduko mezuren bat jarri ezkero, mezua ezabatu egingo da.